| 2020-03-04
阅读243
刊登于 2017-03-16By 小李老闆All, 生活文化, 职场生态

职场篇-唔出声无人当你係哑

cc photo by flickr user blhphotography

求先生意上嘅客人,阿男八婆老闆Steven喺电梯想查家宅,我讲咗两句就收咗佢声,大家喺静晒咁。

出咗小妹同我讲:「全世界唔出声好似好怪咁。」
唉,囡呀囡,就係怕dead air 嘅心态你会俾人chok咗好多料出嚟。适当嘅时候要唔介意令人unpleasant,要保持沉默。
女人好多时俾人教到好pleasing,要照顾大家。但妳照顾得人哋,人哋有照顾妳咩?

更何况,喺唔出声係一件几天经地义嘅事。
毕业一两年我去咗一间公营机构打工,由五十几楼到地下,即使同公司嘅同事喺,都係一句嘢都唔讲。有同事一齐行,有时无嘢讲咪无嘢讲。唔好俾太多info人,更唔驶讲太多私事,尤其是当你老闆会是非当人情。而人哋department好多嘢唔应该知嘅,千祈咪讲。

当你comfortable with remaining silent, 咁你就开始识几时讲嘢,几时收声。
至于讲嘢,其实讲嘢食旅行同电影,不嬲都可以好多嘢讲又无伤大雅嘅。只怕咪同人太friendly就不识点拿捏收放。

而老闆,please ,除非人哋自爆,咪问员工/客人太多私人嘢。好唔pro。你下属/客人闹你又唔係,唔应你又唔係;但明明无论打工定做生意,都係一场fair trade,无必要娱乐你。咁佢哋会点?佢哋会憎恨你。所以话:成间公司最应该识几时收声嘅,应该係老闆。做嘢啦~你以为自己要睇好一盘生意,只需要日日摸酒杯,咩都唔驶做呀?

(好眼瞓,死啦仲要开个晏昼会……)