| 2020-01-12
阅读484
楼市出更:莎莎唔执输 抢租恩平道(太阳) 楼市出更:莎莎唔执输 抢租恩平道
刚租出的铜锣湾恩平道五十号地舖及一楼,总楼面约一千二百方呎。楼市出更:莎莎唔执输 抢租恩平道
港、韩化妆品店抢租铜锣湾舖位个案 近排韩国化妆品牌「丧抢租」铜锣湾等一线街舖,而本港「龙头」化妆品店之一嘅莎莎国际(00178)都唔执输,正式啱啱租咗铜锣湾恩平道50号地下及1楼舖位,正正同一间刚开业嘅韩国化妆品牌黐到好埋,埋身肉搏。听讲佢哋出手都好进取,月租近百万元,比起旧租升咗超过1.4倍,喺依家零售市道唔明朗情况下,都算好勇。

有代理同刘Sir讲,上述恩平道50号地舖同1楼面积约莫1,200方呎,原本係一间连锁錶行租用,月租大约41万元,早排租约届满后已迁出。

上址市值月租大约100万元左右,相信业主最后埋单会考虑平少少,莎莎料以近百万元租用,呎租大约830元,刘Sir都搵过莎莎发言人公开租金等详情,但佢只回应无可奉告。

内地客捧场唔忧生意

内地客对化妆品特别锺情,所以市道好唔好都有捧场客,所以化妆品店长久以来都积极搵位开分店,出手畀租都几阔绰。有个韩国化妆品牌,租咗恩平道54号地下部分,听讲面积大约480方呎,月租差唔多60万元,呎租达约1,250元,比旧租高近1倍。有代理话,佢个位正正对住希慎广场,人流有保证,所以佢隔篱两边分别係上述莎莎,以及本地另一连锁化妆品卓悦,相信大家日后会争崩头。

罗素街舖获10亿洽购

铜锣湾一线街舖可遇不可求,听讲区内罗素街有个依家由连锁钟錶店租用嘅地舖,租约将期满,业主嗌月租350万,比起现租金升逾1.5倍,可能收租回报吸引,依家已经有客出价约10亿元洽购,呎价逾66万元。

旅游前景唔错,酒店住宿物业都好抢手,有见及此,韦坚信测量师行许伟国话,上环干诺道中128号豫泰商业大厦1至15楼其中35个将作服务式公寓单位,同埋地舖等楼面标售,意向价约3.5亿元,下月二十二日截标。另外,据土地及公司注册处资料,屯门区远东发展屯门大厦地下1号舖及1至4楼等楼面以1亿元成交,买家公司董事係邓成波,同刘Sir认识嘅「舖王」波叔同名。