| 2020-01-12
阅读267
楼市出更:西贡村屋天价亿三(太阳) 楼市出更:西贡村屋天价亿三
西贡相思湾位置优越,区内村屋屡录高价成交。(资料图片)楼市出更:西贡村屋天价亿三
西贡部分高价村屋成交 近排楼市气氛受「佔中」影响,成交少咗,但做价暂时未见受累,高价成交个案依然係咁出现。好似有香港后花园之称嘅西贡,优质村屋一向唔忧卖,所以分分钟都会出现创纪录价钱。刘Sir收到风话相思湾有幢村屋以1.3亿元天价卖咗,建筑呎价约6.19万元,做价及呎价均创全港村屋新高纪录,比一○年西贡村屋旧纪录高咗超过90%。

世纪21奇丰廖振雄话,相思湾日前有幢单号屋以1.3亿元售出,呢幢屋位置优越,单边望全海景,私隐度极高。

地段私隐高 放盘难求

据闻,今次个买家喺各区物色靓盘已经超过一年,因为心仪上址环境佳,私隐度极高,加上同类物业可遇不可求,价值唔係一般村屋可以媲美,所以决定入市。

廖振雄又话,呢间屋建筑面积2,100方呎,附有入契大花园及装修,建筑呎价约61,905元,做价同呎价都创咗全港村屋新高。而原业主于○六年揸到依家,期间升值近2.8倍。

至于相思湾一直作区内高价村屋嘅温床,唔少名人都曾经喺度住过,好似谢贤与狄波拉早年就买咗幢相思湾村屋居住,不过佢哋间屋喺八八年就以250万元卖咗比个欧洲国家嘅领事,若然揸到依家,可以多赚51倍。

另外,刘Sir喺土地注册处睇到,九龙站君临天下2座中层B室以3,901.2万元沽出,买家叫蔡文胜(CAI WENSHENG)。上述买家同有「中国站长之王」之称嘅蔡文胜同名。

根据该处资料,中半山地利根德阁第1座低层B室以4,002万元售出,买家SKY TOP INVESTMENT (HK) LIMITED。间公司董事包括冯耀辉及冯依琪。

刘Sir留意到分层豪宅,呢排交投就静咗啲,不过做价都仲几稳健。

薄扶林分层3730万沽

美联方玉冰话,薄扶林碧荔道65号低层户,实用面积约2,238方呎,由一个外地回流返嚟嘅买家以约3,730万元连车位买入,实用呎价约1.67万元。

该行李绍聪话,小西湾蓝湾半岛6座高层D室,单位实用面积约847方呎,以约1,408万元售出,实用呎价约1.66万元,係同类型单位高价承接。

刘Sir